منتديات الموجة القبطية
 كتاب المقالات والمواضيع هم المسئؤلين عن المكتوب بها

قناة أغابى كانت  ولا تزال محط أمال الأقباط في مصر لنهضة الكنيسة بما تحمله من قدرة على الوصول إلى كل بيت وفى كل وقت ..
وبعد نشر الموضوع الأول بدأت تصل  إلينا الآراء والمقترحات ،
وكما نرى فالجميع فى اشتياق لتطور أسرع وأفضل للقناة ..

انا الحقيقية النهاردة الموافق 21-8-2007 قريت موضوع عن مدعو اسمة هاني وانة يطلق علي قناة اغابي اسم قناة التغابي اسلوب غير مهذب وغير محترم المهم رديت وارفقت ميل كان بية مقترحات للقناة ولكن اغلب الميل لم يظهر في تعليقي يظهر ان التعليق لم يستوعب كل ماكتبتة لطولة

ففكرت ان اعيد ارسالة اليكم لعلة تكون بة افكار وفائدة لقناة اغابي الجميلة والتي اتطلع ان ارها اجمل واجمل بس لو فية حاجة كانت حلوة مما سوف اذكرة واخد بها اتمني انا اعرف لان ذلك سوف يشعرني بسعادة وفخر اني استطعت ان اسهم ولو بفكرة من اجل حاجة لكنيستي ولقناة اغابي اللي تعطشنا ليها سنوات واليكم نص الميل

 السلام والنعمة لكل العامليين والقائمين علي قناتنا الوليد العملاق اغابي الحقيقية انا من زمان وانا عاوز اكتب الرسالة ديا ولكن ربنا دبر النهاردة اهو انا الحقيقية مش عارف اوصفلكم سعادتي طبعا باغابي واحلا حاجة اني بشوفها بتتطور كل يوم وديا حاجة جميلة جدا جدا
وعندي بعض المقترحات يمكن تنال اعجابكم اولا بالنسبة لـ روافد من اجل جمع تمويل للقناة بما انها ليست قناة تجارية فية

اولا ممكن ياريت تعملوا التبرع من عن طريق التليفون سواء الارضي او الموبيل زي ماكنا بنشوف لبعض الجمعيات الواحد يعمل المكالمة فاتورتة تتحمل مثلا بمبلغ 2 جنية في الدقيقة وممكن نعمل عليها مسابقة او جايزة من شكل ما علشان تحث الناس هاتبقي جميلة وهاتبقي رافد سهل علي ناس كتير انها تعملة يعني حتي لو الواحد اتصل مرة واحدة في الاسبوع والمكالمة بتاخد دقيقة او اتنين يعني في حدود اربعة جنية طبعا مع العدد نقول حوالي مثلا مليون تليفون من واقع تقريبا 8 مليون موجودين يعني حتي لو في الشهر دخل القناة مبلغ اربعة مليون انا اعتقد انة مبلغ مش قليل وخصوصا مع التراكم شهر ورا شهر ممكن يعمل احتياطي كويس للقناة الوسيلة سهل ومتاحة لناس كتير ومش هاتطلب منة وقت وهو في البيت في اي وقت ممكن يعمل كدا وممكن مرة واتنين حسب قدرة كل واحد كمان

ممكن بردوا نفس الموضوع علي الموبيل لو المكالمة دقيتين والدقيقية ب 1.5 جنية من واقع المشتركين زي ما الواحد بيسمع حوالي 18 مليون نقول منهم حتي 2 مليون يعني نقول اتنين مليون موبيل في المتوسط 3 جنية في الشهر يعني كمان ستة مليون انا اعتقد انها مبالغ كبيرة طبعا فية دراسات وحسابات خاصة بالموضوعات اللي زيي دي دا مجرد تفكير منطقي عام ليس اكثر اعتقد ان الارقام كبيرة جدا او حتي علي الاقل هايكون ليها دور فعال جدا حاجة

كمان ممكن يبقي فية حاجة لنغمات الموبيلات طبعا اكيد مسيحية وبكدا نبقي عملنا رافد مالي للقناة وحطينا بديل مسيحي لنغمات ولازم يكون لكل الموبيلات والانواع يعني زي ما بيقولوا نغمات مجسمة وصوتية وحاجات زي كدا صدقوني انا اللي شايفة انها ها تكون رافد كويس جدا

وياريت كمان يبقي فية افلام تسجيلية عن اديرة وكنايس مصر وديا مافيش اكتر منها هاتبقي جميلة جدا جدا وممكن كمان تعمولوا مسابقات من علي الموبيل وتشمل كل المناطق المغطاة من خلال اغابي يعني جوا وبرا مصر وتبقي بردوا الناس كسبت معلومة مسيحة جميلة من خلال الاشتراك في المسابقة وفوزها بالجايزة والقناة كسبت رافد مالي يساعدها في اداء رسالتها

والقداسات ياريت تتصور كل يوم لو امكن من مكانين مختلفين حسب التقويم والشهر القبطي علشان لما تتعرض تعرض حسب الشهر القبطي علشان القريات وخصوصا السنكسار والالحان وطقس الفترة وطبعا بوجود روافد مالية كتيرة زي اللي اقترحتها هاتقدروا بنعمة ربنا تعملوا مباشر كتير جدا وهو دة روح اغابي انها تحط الناس في الحدث القداس صلاة العيد زي العيد اللي فات كان اكثر من رائع والبصخة جميلة الحقيقية
 انا كان في ذهني الكثير ولكن هذا ما اعتقد انة مهم جدا واستحضرتة اثناء كتابة تلك الرسالة وطبعا كلامي دة ممكن يتعمل علية دراسات لقياس فاعليتة
 وياريت كمان واسهل طريقة من خلال موقع اغابي تعملوا دايما استبيانات لراي المشاهدين

 اة حاجة كمان ياريت يتحط في كل كنيسة صندوق خاص بالتبرع لقناة اغابي علشان الناس تحط فية المبالغ اللي تقدر عليها وطبعا الكنيسة من خلال خدامها والاباء الكهنة تشجع كل الناس حتي لو الاسرة حطت خمسة جنية في الشهر بردوا اكيد مع العدد هايكون ليةها دور وطبعا في الخارج بردوا اعتقد ان 5 دولار ديا مش حاجة مبلغ صغير
حقيقي اللي عاوز يتبرع بعطايا كبيرة دة موضوع يعتبر خاص الي حد ما يعني هاتبقي فئة محدودة جدا اكون سعيد جدا لما اعرف ان اي حاجة انا قولتها كانت مفيدة بالنسبة ليكم وربنا يبارك تعب محبتكم
 وتعب نيافة الانبا بطرس – الكبير للقناة ويديم لينا ابينا المحبوب قداسة البابا شنودة ازمنة سلامية مديدة شكرااااااااااا

 ودا كان نص الميل اللي انا بعتة في يوم من الايام من فترة ورجعت مؤخرا بعتة تاني ولما لاقيت الموضوع قولت احطة المهم انة يوصل انا ما انكرش اني كنت احب اوصلة بنفسي بردوا الاحساس الشخصي ان الواحد عمل حاجة ديا بتدي الواحد دفعة انما المهم انها توصل واتمني غيري وغيري يقدم مقترحات
 وياريت الموقع هنا يفتح موضوع عن اراء الناس بالنسبة لقناة اغابي

avaebram@gmail.com
 

اولا اشكر الاخوه القائمين علي موقع الموجه لكلماتهم التي تدل علي عمق محبتهم لي .
 وما دفعني لكتابه هذا التعليق البسيط علي مقال الاستاذ هاني هي عدة اسباب اههمها اقتناعي بالدور الهام التي تقوم به قناة اغابي وايضا موقع الموجه القبطيه وبدون مجامله الموقع انني اكن كل حب واحترام لهذا الموقع نظرا لصدقه وموضوعيته وايضا اسلوبه المحترم المسيحي بالفعل .

 كذلك لانني شعرت ان نقد الاستاذ هاني ليس نقد بناء و ليس نقد ايجابي ولكنه نقد هجومي نقد يحمل اساءه وهذا ما ارفضه دائما فانا لست ضد النقد ولكنني مع النقد المحترم البعيد عن الاساءه والتهجم وخاصة ضد الكنيسه ليس لان كما يقو ل البعض انها معصومه ولكن لانها واجبة الاحترام مننا ولان هذا وصيه الهيه وتعاليم المسيحيه وكنيستنا القبطيه ان نحترم الكنيسه ورجال الدين حتي لو اختلفنا معهم حتي لو تخازلنا منهم نعتب عليهم ولكن عتاب محبه واحترام يليق باكليروس كنيسة المسيح .

اما بخصوص نقدي لقناه اغابي بالفعل قناه اغابي في حاجه ماسه الي تطوير والي اشباع كثير من الامور الاخري للاقباط بجانب الخط الروحي
 فمثلا هناك الجانب التنويري اي يجب ان يكون هناك برامج توعيه وتثقفيه للاقباط وعادتهم او سلوكهم في الكنائس او الحياه عموما بالفعل هناك بعض البرامج تقوم بدور مشابه ولكن ليس كما هو مطلوب وبالشكل المتنوع الذي نرجوه

 كذلك يجب ان يكون هناك برامج الرد علي الشبهات والدفاعيات الايمانيه والرد علي البدع والهرطقات وشرح لاهوت المسيح والثالوث الاقدس الي اخر هذه المواضيع الاهوتيه التي ربما يوجد كثير من الاقباط لا يعلم عنها الكثير .
 خاصة في ظل الهجوم الحاد علي المسيحيه والكتاب المقدس وحروب التشكيك ,في كل مكان وفي كل وسائل الاعلام لذلك يجب ان يكون هناك برامج لاباء وايضا دارسين في الكتاب المقدس والتاريخ المسيحي يردون علي هذه الشبهات برامج تكون بمثابه برامج تعليميه تشرح لنا المفاهيم المسيحيه بصوره واضحه وقويه ,

ومن الممكن ايضا ان يكون هناك برامج اخري تقدم المعلومه سهله وبسيطه علي صوره سؤال وجواب حتي تفيد ايضا من ليس لديهم الوقت او الاستعداد لسماع الشرح المفصل ....

ايضا يجب ان تعطي القناه مساحه اكبر للشباب ومشاكلهم وهمومهم وتقدم الحلول العمليه لها كذلك الاهتمام بالمشاكل الاسر يه والمشاكل القبطيه بصفه عامه ومناقشتها بكل وضوح ووضع الحلول العمليه المسيحيه لها

 ويوجد برنامج رائع يقدمه الدكتور مجدي اسحق يناقش المشاكل الزوجيه باسلوب علم نفس وايضا باسلوب مسيحي روحي فنرجوا زياده مثل هذه البرامج وتخص مشاكل متنوعه وليست المشاكل الاسر يه فقط .

 ايضا زياده نسبه البرامج التي تشرح وتفسر الكتاب المقدس باسلوب بسيط وواضح بعيد عن اسلوب الوعظ وشرح جوانب اخري للسفر او الاصحاح او حتي الايه مثل الخلفيه التاريخيه والجغرافيه الخ ومثل هذه البرامج تذاع علي قنوات مسيحيه اخري وتكون مشوقه جدا .

الدراما يجب ان يكون هناك اهتمام اكثر بالدراما سواء مسلسات وافلام والبعد عن الافلام بسيطه الانتاج نظرا لانها تبعد المشاهدين .

 الاهتمام اكثر وبصوره اسرع باخبار الكنيسه فمثلا لماذا لا تكون هناك نشر يوميه وحتي لا تكون نشره صوتيه يكفي كتابه اخر خبار الكنيسه والقبطيه مثلا سفر البابا او تدشين كنيسه او اقامه نهضه في كنيسه ....الخ

 ايضا الترانيم الكليب التي تذاع في الحقيقه هذه الترانيم يجب ان تكون بصوره افضل لاننا نجد ان ما يصور في هذه الترانيم لا يمت بالكلمات بصله فلماذا لا تكون هناك ترانيم تكون فيها الصوره معبره عن الكلمات والاحداث وبالمناسبه

اننا نري هناك اعمال فنيه يقوم بعمها ابناء الكنيسه وتذاع سواء في الكنائس او علي الانترنت تكون في غاية الروعه فلماذا لا يتم الاستعانه بمثل هذه الاعمال او يتم طرح مسابقه لتقديم افضل الاعمال في كل المجالات التي يمكن الاستعانه بها في القناه القبطيه واعتقد ان الاقباط لديهم المهارات والكوادر التي تستطيع ان تقوم بتطوير هذه القناه والنهوض بها لتكون قناة تليق بالكنيسه القبطيه العظيمه .

واخيرا في راي الشخصي ان النهوض بالقناه ايضا يستلزم توفير كوادر متخصصه في الجانب الاعلامي في اداره القناه وبرامجها وبالطبع تكون تحت اشراف كنسي كامل .

 وفي النهايه قناة اغابي كانت حلم قبطي وتحقق وايضا تطوير القناه والنهوض بها سيتحقق ايضا بعمل ابناءها والسعي الجاد في والعمل في هذا التطوير كل بما يستطيع ومن لا يستطيع ان يقدم الجهد اوالمال او حتي بالاقتراحات وقبل كل هذا الصلاه لان اي عمل يبدء بالصلاه يظهر به مجد الله , وشكرا كثيرا

عصام نسيم